A cocinar!

¡Hola collacios! ¿Cómo va esa selmana? Dalgunos tais mandándome semeyes de los güevos pintos, ¡vaya guapos que vos quedaron! Tamién, siguís mandándome semeyes del arcu la vieya, en breve voi faer un mural con toles que me táis mandando.🤗

Güei propóngovos una nueva idea, escribir y preparar(si podéis)  una receta típica asturiana, o de lo que queráis... ¡imaxinación al poder! Cuando tengáis la receta podéis escribila(n'asturianu) nun foliu o llibreta(o na plantilla que vos adxunto) y facer un dibuxu d'ella, llueu mandaislo al mío corréu. ¡Si finalmente preparáis la receta sacái-y semeya!
 Na receta vamos poner: Nome de la receta,  nome del cocineru o cocineros, ingredientes y pasos a siguir, la plantilla qu'adxunto puede servivos de guía. Podemos compartir les resultancies colos nuesos compañeros y faer un recetario bien interesante de la clas de llingua. ¡Toi deseyando ver los cocineros qu'hai nel cole!😜

¡Un abrazu!

Equí embaxo tenéis l'enllace a la plantilla:

El Nuberu

Bones tardes! Güei déxovos un vidiu bien prestosu del nuberu. Ya sabéis que ye un personaxe de la mitoloxía asturiana. ¿Quién s'alcuerda de les sos característiques? Espero que vos preste!https://m.youtube.com/watch?v=cg0IiD1_SDk&list=PLhtoo519UiZZaEraRH2CNazEByctAj0ar&index=4&t=0s

Si daquién s'anima a dibuxar un nuberu que me lo mande al corréu.🙂

Feliz día del llibru llectores!

Como sabéis güei celébrase'l día del llibru, y como vos dicía, anguaño nel cole dedicamoslo a Gianni Rodari. Na anterior entrada, cuntábavos un pocu quien yera esti escritor y una de les sos más famoses obres,"Gramática de la fantasía". Güei escríbovos sobre otra, "Cuentos pa xugar" Esti llibru tien dentro dellos cuentos con tres finales diferentes. Déxovos un enllaz onde podéis aportar al llibru. Y yá que tamos nel día del llibru propóngovos un retu:

- Pa primeru y segundu, púnxivos la portada del llibro "Cuentos pa xugar" pero propóngovos qu'imaxinéis y dibuxeis como podría ser la portada  del llibru que vosotros y vosotres pondríais a "Cuentos pa xugar". 

- Pa terceru y cuartu podéis escoyer unu de los cuentos que mas vos gusten y llueu inventais un final el cual vais dibuxar. Si queréis tamién podéis cambiar el títulu al cuentu con unu que vos preste más. Nel dibuxu pońei el titulu del cuentu y si lo cambiaís ponéi los dos, pa saber yo a que cuentu vos referís.

- Quintu y sestu escoyéi un cuentu y escribíi un final qu'inventéis. Intentái faelo n'asturianu. Si queréis tamién podéis cambiar el títulu al cuentu con unu qu'inventéis, si lo cambiais ponéi los dos, el orixinal y el que cambiéis pa identificalo yo. Podéis facer nun documentu de word y dempués me lo mandáis al corréu.

Equí déxovos l'enllaz pa descargalo:

https://www.google.com/url?sa=t&source=web&rct=j&url=https://www3.gobiernodecanarias.org/medusa/ecoescuela/secundaria/files/2011/12/veinte-cuentos-de-Gianni-Rodari-con-tres-finales-.pdf&ved=2ahUKEwjAtrnQqf3oAhWNDxQKHWxBAx8QFjAHegQIBRAB&usg=AOvVaw12OylKp8XJx9K1C9-LyUdB


¡A lleer!

Día del llibru

Esti añu, como ya sabéis, dedicamos el día del llibru a Gianni Rodari. Estos días subiré dalguna xera rellacionada col autor y los sos llibros, tar bien atentos al blogue. Mientres tantu, podéis contame si lleisteis dalgún llibru o historia d'esti autor y que vos paeció. A continuación tenéis una pequeña descripción de la so vida y d'una de les sos obres más representatives.

 Gianni Rodari (Omegna, Piemonte, 23 d'ochobre de 1920 - Roma, 14 d'abril de 1980) foi un escritor, pedagogu y periodista italianu especializáu en talleres sobre la comedia infantil y xuvenil. Como pedagogu realizó una gran llabor siempres al serviciu de la renovación educativa. La so obra Gramática de la fantasía ye'l principal esponente de les sos idees clásiques sobre la vida nel campu, convirtiéndose col tiempu nun clásicu de la lliteratura romántica.

Vamos baillar embaxu una estrella

Falantes!Mui bonos díes!
¿Que tal foi el fin de selmana? ¡Espero que xenial!Munchos táis mandándome arcos y güevos pintos, próximamente voi faer un mural con munches de les semeyes que me mandáís. ¡Táis fechos toos unos artistes!
Como sabéis esta selmana, el xueves día 23 celébrase'l día del llibru, y por eso quiero encamentavos un llibru bien risonderu y que tien que ver con estos díes que tamos pasando en casa. Hai en delles versiones, nesti casu yo encamiéntovos el d'asturianu, titúlase: "Vamos baillar embaxu una estrella". Les sos autores son Fernanda Rodriguez Muguruza, escritora, https://mipsicologainfantil.com  y Eva Rami, ilustradora,  https://www.evarami.com . Esti llibru, como lo describen elles, naz mientres el confinamientu pola pandemia del coronavirus, recomiendovoslo muncho. Estos enllaces van llevavos a les web onde onde podéis descargavos el llibru gratuitamente en pdf:  https://www.evarami.com/bailaremosbajounaestrella y https://mipsicologainfantil.com

Espero que vos animéis a lleelo y que me mandéis que vos paeció'l llibru, si vos prestó, que fue lo que mas vos llamó l'atención, etc. Ademas podéis faer un dibuxu tamién rellacionáu col  cuentu. Cuando lo tengáis, mandáime vueses opiniones sobre'l cuentu y los vuesos dibuxos al mio corréu electrónicu. Recordái mandalo dende les vueses direcciones de corréu de Educastur.

¡Un abrazu fuerte y feliz llectura!

Güevos Pintos

Mañana celébrase  la fiesta de Güevos Pintos, siempres ye'l martes siguiente al Domingu de Pascua. Dende primer hora de la mañana la redolada más histórica y céntricu de Pola de Siero enllenase de puestos engalanaos para la ocasión nos que pueden contemplase y adquirir Güevos Pintos, con decoraciones y tamaños bien variaos, anque la mayoría inclúin nel so artísticu diseñu motivos alusivos a la cultura tradicional asturiana, según distintes frases y símbolos.

Un momentu bien especial d'esta fiesta ye la Bendición de los Güevos Pintos na plaza del Conceyu, y a partir d'esi momentu cuerre la sidra, la bona gastronomía, la gaita y la fiesta, hasta rematar con una verbena que s'enllarga hasta la madrugada.

Esta tradición ye d'orixe inciertu y tien dellos sieglos. Concretamente en Siero tresmitióse de forma oral de xeneración en xeneración, y seique ta venceyada - ye solo una hipótesis - que llegaron de Centroeuropa a trabayar nes mines tantu en Siero como en Llangréu, onde s'esquicen los primeros xacimientos de hulla.

Déxovos un enllaz con instrucciones para faer un güevu pintu, anímovos a que faigáis dalgunu y mandéisme la semeya cola resultancia. :)

https://www.hogarmania.com/decoracion/manualidades/otros/201204/como-pintar-huevos-pascua-colores-14852.html

Tercer trimestre

Bonos díes collacios!!¿Que tal fueron les vacaciones de Selmana Santa? Espero que perbién. ¿Lleistís dalgun llibru? ¿Algunu n'asturianu? Visitasteis la páxina de la editorial Pintar-Pintar que vos recomendé?
Güei entamamos el tercer trimestre y espero que teáis bien sollertes al blogue(tamién puedo dexavos l'avisu dende'l blogue del vuesu cursu, pero pidiríavos que tuvieráis especialmente sollertes a este, porque asina la comunicación ye más directa). Anque nun volviéramos al cole como vos dicía tamos yá nel tercer trimestre, asina que voi preparar dalguna xera por cursos, que podéis mandame al mio corréu pa que vos corrixa. Recordái que ye bien importante que lo faigáis dende los correos d'Educastur. D'equí p'arriba voi xubir les entraes por cursos, que van tar marcaos nes pestañes, de toes  formes delles vegaes tamién voi publicar entraes xenerales pa tolos cursos. Quiero recordavos delles webs n'asturianu que podéis consultar n'asturianu como son:      http://asturies.com/alagueta/xuegos , https://reciella.wordpress.com onde vais atopar actividaes, xuegos o videos bien risonderos.

Recuérdovos qu'inda táis a tiempu de mandame l'arcu la viella pa ponelo nel blogue y compartamos nuestros trabayos col restu de compañeros. Sinón queréis que lo xuba dicir nel corréo y nun pasa nada. Si que me gustaría ver les vueses obres d'arte anque finalmente nun se xuban al blogue, asi  que anímovos a unvialos.


Un saludu y siguimos en contactu.

Bárbara.

Vamos lleer!

Falantes!! La selmana que vien yá tamos de vacaciones, déxovos pa toos un enllaz bien interesante de la editorial pintar-pintar con llibros n'asturianu y en castellanu(si buscáis na llupa enriba de la biblioteca de llibros hai un apartáu que pon #quedaencasa n'asturianu, esos llibros tan toos n'asturianu) amás, agora yá que pasamos mas tiempu en casa ye una bona manera d'entretenenos. ¡Colos llibros podemos afayar un montón d'hestories, aventures, llugares y personaxes!Anímovos a toos a lleer enforma estos díes...y a la vuelta tamién! Propóngovos un retu...cuntáime que llibros lleístis estos díes, ¡y si son n'asturianu meyor! 😜podéis escribir nos comentarios debaxo d'esta entrada.

A continuación déxovos l'enllaz nel que podéis atopar abondos llibros:

http://www.digital.pintar-pintar.com/bookcase/combj


Anímovos a entrar y que me contéis si lleistis dalgún.


#quedaencasa n'asturianu


#yomequedoencasaleyendo







Aprovecho a dicivos dende equí que podéis mandame dende los vuesos correos d'educastur al mio los vuesos dibuxos del arcoiris, podéis saca-y una semeya y mandala. Dempués puedo xubilos al blogue y vemos como lo pintaron los vuesos compañeros! 😊


Bárbara

Falamos

Hola falantes!! 😜Pa cualquier dulda y pa que me mandéis les cosines que vos proponga a esta dirección: barbaramp@educastur.org 📩