L'arcu la vieya 🌈

¡Bonos díes falantes!¿Cómo va esta selmana? Espero que bien y que teáis portando perbién por casa y aprovechando enforma los díes. Güei tráigovos daqué que seguro que vistis muncho estos díes...l'arcu la vieya. Esti arcu representa daqué bonu, sirve p'animanos y p'animar a otros. ¿Conocéis la frase "nunca llovió que nun abocanase"? Quier dicir que al final siempre para de llover. Y ye verdá, porque depués de la lluvia,  munches veces sale'l arcu la vieya, que quier dicir que tou va dir bien. 😊

Equí va la idea, déxovos al arcu la vieya pa que lo pinteis de los colores que se vos indica, vienen n'asturianu, asina que va valir pa repasar. 🤗🌈


Cuando lo tengáis llistu, podéis compartilo pequí nos comentarios si vos animáis, ya me cuntaréis.

Déxovos tamién un cantar bien prestosu la que pasemos lo que queda de selmana muncho más contentos.

Un besu bien fuerte a toos.😚¡Siguimos en contactu!


Bárbara

Tenemos blogue!

¡Hola a toos y toes! ¡Bienveníos al blogue de llingua! Espero que teáis bien, aprovechái a esfrutar de la vuesa familia y a lleer enforma, a ser posible en llingua. Pequí vamos caltener la comunicación ente toos, voi dexavos idees, llectures, xuegos...pa que pasemos estos díes lo más entreteníos posible. Échovos de menos y ya tengo munches ganes de veros a toos pol cole.


Un besin virtual bien fuerte pa toos :)




PD: L 'alumnáu de sestu tenéis amás esi apartáu nel blogue de sestu tamién, pero polo xeneral la comunicación va facese pa tolos cursos pequí.










Bárbara