FIN DE CURSU

Bonos díes falantes!!! Esti cursu ya finó, ¿A que paez que pasó mui rápidu? Esti cursu foi diferente a los demás, el tercer trimestre nun nos vimos les cares, pero a pesar d'ello trabayastis un montón, tamién falamos...Quería desearvos un bon fin de cursu y un bon branu.

Déxovos una semeya de la campaña de matriculación en llingua d'esti añu per equí. Apuntaivos!va prestar!

Un abrazu grande y hasta pronto😊

Bárbara 

Martes de Campu

Bonos díes falantes, esta selmana celebramos como cada martes n'Uvieu el martes de campu. Anque esti añu foi un pocu diferente a los demás. Pero seguru que comistis el bollu igual ¿a que si?

El Martes de Campu tamién ye conocíu como Fiesta de la Balesquida o Martes del Bollu.  Suel celebrase a finales de mayu o principios de xuniu y ye un día festivu n'Uvieu. Esta fiesta entama cola llectura del pregón y la procesión dende la capilla de la Balesquida.

Dempués ye tradición el repartu del bollu preñau. Uno de los llugares onde se xunta la xente a xintar el bollu preñau ye'l parque San Franciscu, anque tamién ye típicu xuntase notros parques y zones de prao. Amás del bollu, la xente va preparada pa pasar el día con familia y amigos polo que lleven empanaes, tortiella...

Esta cellebración tien orixe nel sieglu XIII y xurde pa cellebrar la donación de Valesquita Giraldez al gremiu de sastres d'Uvieu.

¡Un nuevu retu!

• Primeru y Segundu: Contais como pasastis Martes de Campu, escribimos dalgo de lo que ficimos esi día y dibuxáisvos. Como foi un martes de Campu diferente, podéis escribir y dibuxar lo que ficistís...dar un paséu, dir a la playa, si comistis el bollu preñau, si ficistis dalguna ruta, xugastis con dalgún amigu...
• Pal restu de cursos, de terceru a sestu: Seguru que conocéis dalguna fiesta asturiana, propóngovos qu'investiguéis y escribáis o faigáis dalguna presentación d'alguna que vos preste o conozcáis. Puede ser dalguna fiesta dalgun pueblu dalgun familiar al que vayáis a visitar,  o que anque no sea onde viváis fueseis dalguna vegada y vos prestase,  lo que se vos ocurra. Tamién pue ser una fiesta a la que nun fueseis nunca pero queráis investigar sobre ella. Si nun se vos ocurre, tamién podéis contar como pasastis esti añu martes de campu o que facíais otros años nesta fiesta.  Idees pal trabayu: orixe de la fiesta, onde se cellebra, que se fai, que ye tradición na fiesta, si se come algo típicu,  si fuisteis a la fiesta o no... Podéis añadir semeyes o dibuxos de la fiesta qu'elixáis.

Un saludu y bon fin de selmana!

¡Hola collacios!🤗Ya pasó otra selmana más , tan llegándome munches coses vuestres, ¡que bien! recuérdovos que podéis mandales al  mio corréu electrónicu, que lo tenéis nel apartáu contactu del blogue.
Esta vegada déxovos un enllaz al Grupu Epona, una editorial  de las que podéis descargar llibros n'asturianu de baldre.  http://www.grupuepona.com/index.html y http://www.grupuepona.com/descargues.html
Ya me contaréis si vos animasteis a lleer dalgún. Tamién deciros que podéis seguir mandando retos de los deportes o cualquier otra xera del blogue,  préstame muncho recibir vuestros correos.

Un saludu y que tengáis bon fin de selmana.

Xuegos Olímpicos 🥇🥈🥉

¡Mui bonos díes falantes!☀️ ¡Ya tamos a vienres! ¿Como foi la selmana? ¡Espero que bien! Como sabéis entamamos proyectu nel cole, sobre les Olimpiaes de Tokiu, que diban ser esti añu.
Aprovechando, vamos ver que n'Asturies hai dellos deportes tradicionales. Ente ellos tenemos:

• Los bolos
• Deportes de fuerza
• Tiru de cuerda- Llanzamientu de barra
• Deportes de puntería como  la llave
• Batéu d'oru
• Corta de troncos
• Tiru al palu
• Aru con ganchu

➡️ Tamién podemos incluir nestos deportes algunos xuegos tradicionales que toos conocéis como:

- La rana

- Carreres de sacos, de panoyes o de lecheres

- El cascayu

Los bolos son uno de los deportes tradicionales más importantes d'Asturies, ente ellos tenemos bolu batiente, la cuatriada, el bolu palma o birle, el bolu celta o bolu de Tinéu bolos del Navia, Pasadiez de Somiedu o bolu vaqueiru.

N'Asturies tenemos más de 40 variantes, anque, solo unes poques tan federaes. Dexovos un enllace de la páxina: http://www.federacionasturianadebolos.es/web/

Un exemplu: Bolu batiente 🎳

Nel bolu batiente l'oxetivu ye derribar la mayor cantidá de bolos llanzándolos lo mas lloñe posible.

Bolera:

• Zona de carrera: Los xugadores toman impulso pa llanzar la bola
• Encalme: Tablones empotraos  nel suelu, equí suéltase la bola
• Rodáu: Pista pola que rueda la bola con un tablón a la son izquierda
• Llosa: Piedra rectangular inclinada nel suelu onde se coloquen los bolos
• Zona de catorce: Superficie ente la solera y el ciebu
• Ciebu: Valla de madera de unos 2 m d'altura en forma de media lluna

Propóngovos un retu:🔎

• Primeru y segundu: Podéis escoyer un deporte tradicional asturianu, elexís cual vos presta más, escribiendo el so nome y lo dibuxáis. Tamíen podéis decime si ya lo conocíais o non o si lo ficistis vosotros dalguna vez. 
• Terceru y cuartu: Investigamos sobre'l bolu asturianu. Escoyéis una variedá de bolu, la que más vos preste. Vais poner a que zona d'Asturies pertenece esi bolu, como se xuega, característiques...y si atopaís una fotu d'esi tipu de bolu podéis añadila o si lo preferís tamién podeis dibuxalo.  Si dalguna vez xugastis a estos bolos o los conocéis tamién podéis contalo na ficha.
• Quintu y sestu: Investigamos sobre un deporte tradicional asturianu. Escoyéis un deporte tradicional asturianu y con el facéis una ficha coles sos característiques, como ye, si lo conocíais o non, si lo ficistis dalguna vez...podéis añadir una fotu o dibuxu del deporte.

Equí vos añado un enllaz a los deportes tradicionales asturianos, espero que vos sirva d'ayuda:

https://www.desdeasturias.com/deporte-rural-asturiano/

• Si tenéis cualquier dulda nun dudéis en preguntame pol corréu. 

Espero que vos animéis a participar!!Un saludu y bon finde. 🙂

La primavera zarrada

Bonos díes falantes, güei déxovos un vidiu bien prestosu de la primavera y que tien que ver con too lo que nos ta pasando últimamente, anque agora ya podemos salir por suerte. Cuidaros muncho. 🌈 

Día de les Lletres Asturianes

Feliz día de les Lletres Asturianes!


https://youtu.be/_q6_NtRyZ58

Selmana de les Lletres Asturianes

Bones tardes falantes!!! Esta selmana cellebrábase la Selmana de les Lletres Asturianes y esti vienres 8 de mayu cellebraríase el Día de les Lletres Asturianes, como agora nun se puede pol coronavirus, queda aplazada del 28 de setiembre al 2 d'ochobre, siendo el  día 2 el día de les Lletres nesti casu, pero nosotros nel cole podemos cellebralo a nuestra manera. Primeru voi contaros un pocu la historia d'esti día y porque se cellebra:

• La Academia de la Llingua Asturiana (ALLA) ye la institución llingüística que trata cuestiones rellatives al estudiu, la promoción y la defensa del asturianu y del gallego-asturianu, llingües propies d'Asturies.

• Su sede ta n’Uvieu.

• Esta institución fue creada nel añu 1980, ta presidida por Xosé Antón González Riaño y ta formada por varios miembros (académicos y académiques) que son especialistes nel ámbitu llingüísticu y que se xunten de vez en cuandu pa trabayar cuestiones rellatives al asturianu y al gallego-asturianu.

• Coincidiendo cola cellebración del Día de les Lletres Asturianes, el primer vienres de mayu los miembros de la ALLA xúntense de forma estraordinaria pa nomar nuevos académicos.Así la institución va medrando añu tras añu.

L'oxetivu del día de les lletres Asturianes ye poner el focu nes lletres escrites násturianu a lo llargo la historia. Ye por esa razón que se dedica a un autor o autora de gran valor lliterariu. Esti añu dedícase a la escritora Maria Teresa Villaverde "Tuxa". Propongovos delles idees:

1. Pa los cursos de primeru y segundu: Qu'imaxinéis y faigáis un dibuxu inspirao nestos versos del poema "Tornón" d'esta escritora: 

          " Tan les sos verdes praderes

             averbenaes de flores, 

              tien frondosos 

              verxeles encantadores".

       

         2. De terceru a sextu: Con los mismos versos qu'usan los cursos de primeru y                    segundu, podéis inventar un cuentu  y facer un dibuxu d'esti.

Si tenéis alguna dulda coles pallabres o con algo que nun  entendáis, preguntáime. Recordai que tenemos un diccionariu online na páxina de la Academia de la Llingua Asturiana (sino lo tenéis en papel), déxovos l'enllace: http://www.academiadelallingua.com/diccionariu/

Un saludu y feliz Selmana de les Lletres Asturianes!